حل لمشكلة تقييد الربح من فيسبوك Restricted monetization
 |
| حل لمشكلة تقييد الربح من فيسبوك Restricted monetization |
في البداية لازم نكون فاهمين إن تقييد الربح ليه أكتر من نوع أولهم زي ما قولنا بسبب المحتوى غير الأصلي ودي سهل التعامل معاها النوع التاني بقى هو تقييد الربح بسبب انتهاك سياسات الفيسبوك وده للأسف من أصعب الأنواع وأغلب الطرق اللي كنا بنستخدمها زمان زي تقديم نماذج أو عمل بث مباشر بقت مش بتجيب نتيجة دايمة لكن احنا برضو متابعين الموضوع ولو في جديد هنقول لحضراتكم عليه على طول
كمان في نوع تاني من التقييد بسبب الملكية الفكرية أو معايير المجتمع ودي مشاكل بيكون ليها مدد محددة أول مرة أسبوع تاني مرة شهر وتالت مرة 90 يوم ودي القواعد اللي ما بتتغيرش تقريبا وممكن كمان تعمل طعن أو تراسل الشخص اللي عمل لك إزالة للمحتوى بتاعك
آخر نوع هو تقييد الكيان المرتبط وده بيكون بسبب ارتباط صفحتك بحساب عوائد مقيد والمشكلة دي بتتحل بمجرد ما تتحل مشكلة حساب العوائد المرتبط بيها
لكن نرجع لموضوعنا الأساسي وهو مشكلة تقييد الربح بسبب المحتوى غير الأصلي سواء على الريلز أو الفيديوهات الطويلة ودي إن شاء الله هنحلها النهارده بطريقة مختلفة وهي التواصل مع الدعم الأجنبي ودي الطريقة اللي جابت نتيجة مضمونة في أكتر من صفحة
عشان تستخدم الطريقة دي لازم يكون عندك صفحة موثقة أو على الأقل الأكونت الشخصي بتاعك يكون موثق لأن الدعم الأجنبي بيهتم أكتر بالحسابات اللي عليها علامة التوثيق
قبل ما تتواصل مع الدعم لازم تراجع محتوى الصفحة تتأكد إنه كله محتوى حصري خالي من الموسيقى أو المقاطع المكررة وكمان لازم تعمل شوية بث مباشر حتى لو بسيط ولو مش حابب تظهر بنفسك ممكن تصور مشهد طبيعي بحر شارع مكان عام أي حاجة طبيعية وتستخدمها كبث مباشر
بعد كده بنروح نتواصل مع الدعم من خلال طريقتين يا إما من خلال Meta Verified لو حسابك فيه الميزة دي أو من خلال دعم العوائد ودي الطريقة اللي أنا شخصيا بفضلها وبستخدمها دايما
في طريقة Meta Verified بتدخل على البروفايل بتاعك تضغط على الثلاث نقاط وبعدين تختار Meta Verified وتنزل لحد ما تلاقي Get Support بعد كده Content Support وتكتب المشكلة وتضيف سكرينات المشكلة من الموبايل بالإنجليزي وبتستنى الرد
أما لو هتتواصل من دعم العوائد بتروح على الإعدادات بعدين المدفوعات وبعدين تختار الدفع اللي تم وتضغط على Support وتنزل لحد Get More Help وتكمل النموذج بنفس الطريقة وتكتب الوصف اللي أنا هسيبه لك وتغير فيه بياناتك زي اسم الحساب ورابط الصفحة والإيميل وترفق معاه الصور وتبعت النموذج
الرد بيجيلك على البريد الوارد داخل الدعم ولو ظهر عندك شات مباشر فده أفضل وأسرع لكن حتى لو كان عن طريق الإيميل المشكلة بتتحل في خلال 14 يوم وفي الأغلب أقل من كده بكتير في بعض الحالات اتحلت في يومين أو تلاتة
وفي نهاية الفيديو زي ما وعدتكم هوريكم إثبات على صفحة كنا شغالين عليها وكان عليها تقييد بسبب المحتوى الغير أصلي وبفضل الله بنفس الخطوات اللي شرحناها النهارده المشكلة اتحلت والإعلانات اشتغلت والربح رجع تاني
يارب تكونوا استفدتوا وتكون الطريقة أفادت أكبر عدد ممكن من الناس
والسلام عليكم ورحمة الله وبركاته