اخيراً يوتيوب يلغي أصعب شرط للربح 💰 تحديث تاريخي في أدسنس!

 اخيراً يوتيوب يلغي أصعب شرط للربح 💰 تحديث تاريخي في أدسنس!

خبر زوين بزاف لجميع صناع المحتوى على اليوتيوب وخا نقول عليه اعظم تحديث فـ تاريخ اليوتيوب ما نكونش بالغت بزاف لأنه فعلاً تحديث غادي يبدل بزاف ديال الحوايج اللي كانوا كيعطلو الربح وكيصعبوه واحد الحاجز اللي كان واقف فـ طريق بزاف ديال الناس اليوم كيتشال اليوتيوب فاش بدا كانت عندو شروط صارمة باش تربح منو ومن بين أكبر المشاكل اللي كيعاني منها الناس هي البين كود هاد الكابوس اللي خلا بزاف قنوات تتعطل وربما حتى تتقفل

السلام عليكم اخوتي واخواتي مرحبا بيكم فـ فيديو جديد على قناة خوتيب كنتمنى تكونو بخير وعلى خير ومرحبا بجميع المتابعين الجدد وخاصكم ضروري ديروا لايك للفيديو وتشتركوا فـ القناة باش يوصلكم كل جديد

المهم التحديث الجديد اللي كيتعلق بجوجل ادسنس واثبات الهوية ولا العنوان يعني داك الشرط ديال توصل لـ 10 دولار عاد كتفعل البطاقة الوطنية عاد كيسيفطو ليك البين كود على البريد واللي يقدر ما يوصلش نهائياً اليوم اليوتيوب قرر يسهلها علينا التحديث الجديد هو انه غادي يتم الاعتماد على تقنية السيلفي يعني بلا ما تصدع راسك مع البوستة وبلا ما تبقى تسنى كثر من 3 شهور

كتوصل واحد المرحلة فـ ادسنس كتفتح الكاميرا وكتدير سيلفي وكتثبت الهوية ديالك فـ لحظات بلا بين كود بلا والو واللي ما بغاهاش يقدر يبقى على الطريقة القديمة لكن بطبيعة الحال ماشي فـ جميع الدول حاليا الخدمة هادي مفعلة فـ بعض البلدان بحال المغرب تونس مصر الامارات العراق الهند اندونيسيا نيجيريا تركيا وبزاف الدول الاخرى وغادي يتم تعميمها تدريجيا فـ جميع الدول الأخرى

والمهم فـ هاد التحديث انه كيحل مشكل كبير كيواجه الناس خصوصاً اللي فـ البوادي او المدن اللي الخدمة البريدية فيها ضعيفة كاينين ناس دارو جميع الخطوات وباقي البين كود ما وصلهمش وعانوا بزاف باش يربحو رغم انهم حققو الشروط ديال اليوتيوب وخدمو عام ولا عامين على القناة

وهنا كنجيكم من واحد الزاوية اخرى أنا كصانع محتوى عندي قناة تعليمية وخدمت لناس بزاف فتحنا حسابات ادسنس وفعلنا القنوات ودفعنا المراجعات ودارو الضرائب وربطنا الحسابات البنكية وطلبنا البين كود لكن المشكل ديال البين كود كان دايماً عقبة كبيرة وكان كيخلي الخدمة تتعطل

اليوم اليوتيوب كيعتمد طريقة عصرية وسهلة باش يثبت الهوية ديالك عن طريق الكاميرا بلا ما تبقى تستنى شي حاجة توصلك ولا تبقى قلقان واش غادي يقبلو البطاقة ولا لا

وهاد التحديث فعلاً كيشجع بزاف ديال الناس انهم يبداو مشاريعهم على اليوتيوب بلا خوف من المشاكل التقنية وفعلاً نقدر نسميوه انجاز تاريخي من طرف اليوتيوب وادسنس حيث كيسهل الربح وكيقرب الناس انها توصل لأهدافها بسرعة وبدون عراقيل

واخيراً اصدقائي اي واحد عندو مشكل سواء تفعيل القناة رقم الهاتف مشكل فـ التحقق بخطوتين مراجعة القناة اثبات الهوية طلب البين كود او اي مشكل اخر يمكن يتواصل معايا عبر الانستغرام والرابط تلقاوه فـ صندوق الوصف ومن بعد ما نعرفو المشكل كنخدمو عليه والخدمة طبعاً مدفوعة وبثمن متفق عليه وكنبداو التواصل عبر الواتساب

شكراً لكم على المتابعة ما تنساوش اللايك وبارطاجي الفيديو مع الناس اللي تهمهم هاد المعلومات نشوفكم فـ فيديو جديد ان شاء الله

تعديل المقال