الربح من الانترنت بدون راس مال فـ 2025 ثلاث طرق كتخدم فالكواليس
 |
| الربح من الانترنت بدون راس مال فـ 2025 ثلاث طرق كتخدم فالكواليس |
طرق اللي ما كيبانوش للناس وماشي منتشرة بزاف فالسوشيال ميديا ولكن خدامين وعطاو نتائج مزيانة و100% بلا رأس مال
أول طريقة خوتي هي التسويق بالعمولة كيف ما كتعرفو كتخدم على منتوجات رقمية ماشي ديالك كتخدم فقط على رابط من مواقع كيعطيوك عمولات محترمة كتروج ليه فالفيسبوك ولا اليوتيوب ولا بأي طريقة وبمجرد ما كيكون بيع كتربح عمولة ديالك
أنا كنت خدام مع ثلاث مواقع فقط وكنختار المنتوجات الرقمية اللي فيها مردودية مزيانة
ممكن نستعملو حتى الإعلانات ولا مجموعات الفيسبوك ولا صفحات وهذا غدي نشرحو بتفصيل إن شاء الله
الطريقة الثانية خوتي هي التدوين فالويبسايت ديالي كنكتب مقالات كتعتمد على السيو وكتطلع فمحركات البحث الناس كتقلب على مواضيع كيلقاو المقالات وكنكون داير وسطهم روابط ديال أفلييت ولا إعلانات أدسنس
يعني كتربح من الجهتين سواء من زيارات أو من تسويق
ودابا مع الذكاء الاصطناعي راه ما بقى مشكل تكتب مقالات طويلة ولا بجودة عالية المهم تكون عندك لمسة شخصية تضيفها
بصراحة التدوين كنز ومصدر دخل مستمر وهاد النوع كنت كندوي عليه حتى من قبل ولكن دابا ولا أسهل
أما الطريقة الثالثة خوتي فهي العملات الرقمية وكنت فالأول صراحة ضدها ومكنآمنش بيها ولكن مني اكتشفت المجال تبدلات نظرتي
ماشي مضاربة وتداول غير على الطالع والنازل لا كاينين طرق أخرى بحال الستيكينغ الإيردروبات وحتى مشاريع كتدخل ليهم فالمراحل الأولى
واللي زوين أن الطرق اللي كنستافد منهم ما فيهمش مخاطرة كبيرة وكيعطيو دخل مستمر حتى يومي فبعض الحالات
حاولت نشارك معاكم نظرة عامة على هذ الطرق ولكن إن شاء الله غدي نخدم معاكم على كل وحدة بوحدها ونشرحها بالتفصيل مع التطبيق
الله يسهل عليكم كاملين وإن شاء الله من هنا القدام غيكون غير الخير